?Mercedes SLS AMG E-Cell? me elektromotor

Përpos me modelin e ardhshëm “SLS AMG Roadster”, familja e këtij modeli sportiv të “Mercedes”-it do të zgjerohet edhe me variantin me motor elektrik.

Modeli elektrik “SLS AMG” do të paraqitet në treg në vitin 2013, kur ky koncept “SLS AMG E-Cell” do të jetë vetëm si paraprirës. 

Për dallim nga modeli standard “SLS AMG” me motor të benzinës V8, prej 420kW/571 kuaj-fuqi (deri në 100 km/h arrin për 3,8 sekonda, e shpejtësia maksimale është 317 km/h), “SLS AMG E-Cell” ka katër elektromotorë, me gjithsej 392 kW/533 kuaj-fuqi dhe 880 Nm, kurse bateritë janë të llojit litium-ionike (48 kWh, 40 Ah).

Shpejtësia nga 0 - 100 km/h arrihet për vetëm 4 sekonda, derisa sipas disa njoftimeve të mëhershme, autonomia e tij do të duhej të zgjaste nga 150 deri në 180 kilometra.

Çmimi nuk do të jetë i vogël, meqë përmendet shuma prej rreth 250.000 eurosh.