?2010 BMW ActiveHybrid X6?? testimi i parë

Sikur edhe që mund të pritej nga ‘BMW’-ja, automobili i ri hibrid i tij është përplot me teknologji të re.

 

Motori

Ajo me çka theksohet para së gjithash kjo veturë, është motori i saj i benzinës – V8 me vëllim 4.4 litra me mbingarkim të ajrit, i cili zhvillon 400 kuaj-fuqi, në çka i ndihmojnë edhe dy elektromotorë të sinkronizuar, me fuqi nominale prej 91 dhe 86 kuaj-fuqi. Ky kombinim i shkëlqyer i motorit të fuqishëm të benzinës dhe i elektromotorëve potentë, mundëson performanca të shkëlqyeshme, prandaj automobili “X6 ActiveHybrid” plotëson të gjitha pritjet për një ‘BMW’, duke përshpejtuar nga 0 në 100 km/h për vetëm 5,4 sekonda.

 

Harxhimet

Ajo që ka rëndësi kur flitet për automobilat hibridë, është harxhimi i karburanteve, por edhe lirimi i gazrave. “BMW” premton se automobili “ActiveHybrid”, krahasuar me versionin e rëndomtë, i cili vihet në lëvizje vetëm nga motori i benzinës, harxhon deri në 20% më pak me metodën e përzier të vozitjes. Një përmirësim i ngjashëm është arritur edhe në lirimin e dyoksidit të karbonit, prandaj “X6 ActiveHybrid” liron në atmosferë 231 gramë të C02 për kilometër, gjë që është rezultat me të vërtetë i mirë për një veturë të këtillë të madhe e të fortë.

Sistemi hibrid

Vet sistemi hibrid funksionon falë ndërruesit me dy shtigje të shpejtësive, i cili bashkon motorin e benzinës me elektromotorët. Kështu, te shpejtësitë e vogla përdoret vetëm një elektromotor, derisa për shpejtësi më të mëdha aktivizohet edhe elektromotori tjetër. Kjo bën që vetura në fjalë të jetë veturë hibride në plot kuptimin e fjalës, meqë është në gjendje që të lëvizë vetëm me anë të elektromotorit deri në shpejtësinë prej 60 km/h.

Energjia elektrike ruhet në bateritë ‘NiMH’ me kapacitet prej 2,4 kWh, të cilat mbushen me anë të rigjenerimit të energjisë gjatë frenimit. Po ashtu, bateria e ka edhe sistemin e saj të ftohjes me tretësirë, gjë që mundëson një temperaturë optimale të punës, si dhe një periudhë më të gjatë të ruajtjes së energjisë.

 

Specifikimet

Lloji i veturës: me motor përpara, 4x4, për 4 udhëtarë, me 5 dyer.

Çmimi bazë: 75,688 euro

Lloji i motorit: DOHC 32-valvule, 4.4 litra V-8, 400 kuaj-fuqi; 2 elektromotorë të sinkronizuar AC; sistemi i kombinuar zhvillon 480 kuaj-fuqi

Ndërruesi i shpejtësive: automatik

 

Dimensionet

Distanca ndërboshtore: 2,933 mm; gjatësia: 4,876 mm; gjerësia: 1,983 mm; lartësia: 1,689 mm

 

Performancat

Përshpejtimi nga 0 në 60 mph (milje për orë): 5.3 sekonda

Shpejtësia maksimale (e kufizuar): 210 km/h

 

Harxhimet:

EPA qytet/autostradë: 17/19 mpg (milje për galon)