Automobili i ri “Porsche 911 Cabrio”

Automobili i ri “Porsche 911 Cabrio” do ta ketë premierën e tij në janar të vitit 2012, në sallonin e Detroitit.

Tani për tani, “Porsche” ka publikuar disa foto dhe ka bërë të ditura disa detaje të para.

Sido që të jetë, as automobili i ri “911 Cabrio” nuk sjell ndonjë revolucion në aspektin e dizajnit, prandaj më shumë vëmendje tërheqin informatat rreth motorit.

Në ofertë sa për fillim do të jenë modelet “Porsche 911 Carrera Cabrio” dhe “Porsche 911 Carrera S Cabrio”, për të cilët në deklaratën e fabrikës thuhet se mesatarisht harxhojnë 10 litra karburant më pak për 100 km.

Sa u përket motorëve, “Porsche 911 Carrera Cabrio” ka një motor gjashtëcilindërsh me vëllim 3.4 litra, i cili zhvillon 350 kuaj-fuqi, kurse “Porsche 911 Carrera S Cabrio” do të ketë një motor me vëllim 3,8 litra, me rrafsh 400 kuaj-fuqi. Përpos ndërruesit me shtatë shpejtësi, blerësit do të kenë në dispozicion edhe ndërruesin e “Porsche”-së me emrin “PDK”, me friksion të dyfishtë.

Vetura e re “911 Cabrio” do të gjendet në sallonet e shitjeve më 3 mars të vitit të ardhshëm, kurse çmimet në Gjermani do sillen kështu: “911 Carrera Cabrio” kushton 100.532 euro, kurse “Carrera S Cabrio” 114.931 euro.