“Lamborghini”, me edicione të tjera speciale

Kohë pas kohe, “Lamborghini” paraqitet me modele të edicioneve speciale, të cilat na mahnitin e na lënë pa frymë. Në vitin 2008, ishte “Reventon”-i, kurse në vitin 2011 “Sesto Elemento”, për të cilin tash vonë është thënë se do të prodhohet në 20 ekzemplarë. Por, “Lamborghini” nuk ka përfunduar me këtë.

Në një intervistë të dhënë kohëve të fundit, shefi i kompanisë, Stiven Uinkelman, ka thënë se “Lamborghini” do të zhvillojë edhe super-automobila të tjerë në edicione speciale.

“Kohë pas kohe do të bëjmë versione speciale të modeleve tona ekzistuese. Në këtë rast kemi bërë një koncept, e më pas kemi zgjuar interesim të mjaftueshëm për të, që të prodhohet në një numër të kufizuar. Nëse automobili plotëson imazhin e “Lamborghini”-t, nëse pranohet mirë, ne do ta prodhojmë”.

“Esenca qëndron te fakti se çdo automobil që bëjmë, duhet të plotësojë standardet emocionale të markës sonë dhe të jetë profitabil. Ne prodhojmë automobila nga ëndrrat e adhuruesve të automobilave dhe kjo duhet të mbetet kështu”.