“Lancia Ypsilon Black&Red”, përbindëshi kuqezi

“Lancia” papritmas ka zbuluar edicionin special të modelit “Ypsilon”, të quajtur “Black&Red”. Ky model do ta ketë premierën në autosallonin e ardhshëm në Bolonjë, i cili fillon më 3 dhjetor.

Automobili “Ypsilon Black&Red” u dedikohet të rinjve dhe, përkundër faktit se nuk është tepër “muskulor”, ky model bie në sy dhe mund të jetë rival i denjë i secilit model “hatchback”. Ky automobil do ta ketë njërin nga dy motorët në ofertë – njëri me vëllim 1,2 litra dhe me 69 kuaj-fuqi, kurse tjetri turbodizel me vëllim 1,3 litra që zhvillon 95 kuaj-fuqi.

Sikur që bëhet e ditur nga kompania, automobili “Lancia Ypsilon Black&Red” do të vijë në katër ngjyra – “Argilla Red”, “Vulcano Black”, “Fiamma Redand” dhe “Argilla Red” me kulmin “Vulcano Black”. Paleta e ngjyrave vazhdon edhe brenda, sepse enterieri është i tëri në nuanca të kuqe dhe të zeza të lëkurës. Është instaluar edhe një sistem më i mirë i zërit, bashkë me xhamat elektrikë dhe disqet prej 15 inçësh.