?Mercedes GLC?: rikonstruksionet grafike

Në vitin 2014, familja SUV e “Mercedes-Benz”-it do të zgjerohet me modelin ekskluziv ‘GLC’. Bëhet fjalë për një veturë sportive, SUV, mjaft kompakte, me forma që i ngjajnë edhe një ‘coupè’-je, që do të jetësohet në platformën e klasës A dhe B.

I gjatë afërsisht 440 cm, “Mercedes GLC” do të jetë në disponim si në versionin me tërheqje të përparme, ashtu dhe ‘4Matic’ ( 4×4) dhe do të ketë të përbashkëta shumë komponentë me BLS, një tjetër veture të re, e llojit ‘berlina-coupè’ me dimensione kompakte që do të pozicionohet një nivel poshtë CLS-së dhe që pritet të dalë në vitin 2013.

Modeli i “Mercedes GLC”-së është duke u studiuar rreth versioneve GLC 220 CDI dhe GLC 250 CGI, të pajisura me motor 2.1 CDI 270cv dhe 1.8 benzine 204CV, domethënë do të përdoren dy propulsorët e modeleve të klasës C dhe E, të kombinuar me tërheqjen e integruar ‘4Matic’.

Pamja e “Mercedes GLC” do të jetë shumë e ngjashme me rindërtimin grafik të mësipërm, të realizuar nga “Auto Zeitung”. Megjithatë, projekti sapo ka nisur, kështu që mund të priten edhe ndryshime.