Motorët me djegie të brendshme, dominues edhe në të ardhmen

Kur kemi qenë fëmijë, automobilat e së ardhmes i kemi paramenduar si raketa, apo të paktën, si makina me të cilat do të mund të fluturojmë dhe të tejkalojmë gjatësi të mëdha për një kohë tejet të shkurtër.

Më pas jemi rritur dhe mezi jemi pajtuar me faktin se gjërat do të jenë të njëjta të paktën edhe katër dekada nga tash.

Prodhuesit e automobilave, të cilët nuk janë aq entuziastë sikur ndokush nga ne, si ndryshimin më të madh në të ardhmen e automobilave e shohin përdorimin më të madh të burimeve alternative të energjisë – energjinë elektrike dhe hidrogjenin.

Por, rezultatet e studimit të cilin e ka bërë Këshilli për karburant i SHBA-së, tregon se motorët me djegie të brendshme do të vazhdojnë që të dominojnë edhe pas gjysmës së këtij shekulli.

Si shkak kryesor për këtë është përmendur fakti se teknologjitë ekologjike kushtojnë shumë, respektivisht zhvillimi i tyre kërkon mjete shumë të mëdha financiare. Automobilat hibridë (qoftë me naftë, apo me benzinë) janë më të përshtatshëm dhe më ekonomikë për shumë lloje platformash.

Ajo që i dallon këta motorë nga ata të sotmit, para së gjithash është efikasiteti më i lartë, i cili deri në vitin 2050 do të jetë për 60-90% më i madh.