?Seat Ibiza SC Sport Limited? ? seri e limituar

Prodhuesi spanjoll i automobilave “Seat”, blerësve gjermanë u ofron edicionin special të limituar “Sport Limited” me tri dyer “Ibiza SC” (SportCoupe), e cila do të jetë në dispozicion në serinë e limituar prej vetëm 300 copësh.

Natyrisht, në sy bie ngjyra e karrocerisë “Lumina Orange” (me kontrast me ngjyrën e zezë të rrotave 43 cm, kulmit dhe retrovizorëve), derisa nën haubë fshihet motori i benzinës me 1,6 litra, me 105 kuaj-fuqi.

Pjesë e pakos është edhe grupi i karakteristikave aerodinamike (mbrojtësit e ndryshuar, ‘spoiler’-i i pasmë i kulmit, seti i pragjeve, mbrojtësi i pasmë me difuzor, si dhe dy gypa nxjerrës, të vendosur në mes), ulëset sportive, timoni i lëkurës (i qepur me penj të portokalltë), sensorët për shi dhe sistemi për ndihmë gjatë parkimit – ‘park assist system’.

Sa i përket çmimit, “Ibiza SC Sport Limited” në Gjermani kushton 20.620 euro.