Yjet e BMW që do t’ju lënë pa frymë

Modelet e reja të BMW i3 dhe i8 janë krijuar sipas konstruksionit të BMW “LIfeDrive”, e cila adhuruesve të saj u dhuron dy pjesë të veçanta – konstruksionin prej alumini në të cilën është vendosur bateria dhe elementet i sigurisë me material të fortë i përbërë nga CFRP, i ngjashëm me materialin prej çeliku, por është 50% më i lehtë. Në këtë mënyrë BMW ia doli që në mënyrë të madhe ta zvogëlojë peshën e saj.

Model i3 në përgjithësi është model elektrik, me mjaft hapësirë nga brenda, me katër ulëse dhe me një bagazh prej 200 litra. Kjo është një hapësirë më e gjerë sesa bagazhi i VW Golf, por më i rëndë vetëm për 1.250 kilogramë. Me një fuqi të motorit prej 125 kW nga 0 deri 100 kilometra në orë, atij i nevojiten 7,9 sekonda. Mbushja e baterisë së zbrazët ka nevojë për gjashtë orë. Kur bateria e modelit i3 të jetë e mbushur, ajo mundet ta kalojë një distancë prej 220 kilometra. Për dallim nga modeli i3, motori hibrid i modelit i8 është veturë ekologjike e së ardhmes, me një motor turbo prej 1,5 litra me tre cilindra, me një fuqi prej 260 kW. Shpejtësinë prej 100 kilometra në orë e arrin për vetëm 4.6 sekonda. Edhe pse për këto lloj modelesh flitet vetëm për si koncepte, në rrugë mund t’i shihni deri në vitin 2013. Çmimi i modelit i3 për tregun perëndimor do të jetë rreth 35.000 euro, përderisa modeli i8 do të kushtojë rreth 170.000 euro.