description

Aksident në rrugën Pejë - Deçan, dy të vdekur

Publikuar: E premte 29 Korrik 2011, 18:42 0 Komente

Në një aksident të rëndë trafiku, që ka ndodhur në orën e parë të mesnatës së premtes, në rrugën Pejë-Deçan, e kanë humbur jetën dy qytetarë, ndërsa dy të tjerë janë lënduar. Zëdhënësi i Policisë së Kosovës për rajonin e Pejës, Zeqir Kelmendi, ka njoftuar se aksidenti ka ndodhur në ora 01.00, ndërsa në aksident janë përfshirë tri vetura. “Deri te aksidenti ka ardhur kur vetura “Audi B4” që ishte duke qarkulluar nga drejtimi Deçan-Pejë është përplasur në veturën “Audi 89”, e cila ishte duke qarkulluar rrugës nga drejtimi Pejë-Deçan. Nga goditja, automjeti “Audi 89” përplaset në veturën “Opel” (vetura e tretë në aksident). Në këtë aksident në vendin e ngjarjes ka mbetur i vdekur ngasësi i veturës “Audi 89”, 61-vjeçar, dhe pasagjerja, bashkëshortja e ngasësit, 57-vjeçare, nga fshati Pobergj i Deçanit, ndërsa lëndime trupore kanë pësuar ngasësi dhe pasagjerja, të cilët ishin në veturën “Opel”, të cilit janë dërguar për trajtim mjekësor në Spitalin e Pejës”, thotë Kelmendi.

Trupat e pajetë të viktimave u janë liruar familjareve me urdhër të prokurorit për ceremoninë e varrimit. Ngasësi i veturës “Audi B4”, 30-vjeçar nga Peja, është arrestuar dhe me urdhër të prokurorit është ndaluar në ndalimin policor.

Printo Dërgo
  • di

Komente


arkivi i lajmeve