description

Aksident rrugor në Mitrovicë, lëndohen shtatë persona

Publikuar: E premte 19 Prill 2013, 10:35 0 Komente

Shtatë persona janë lënduar si pasojë e një aksident trafiku që ka ndodhur dje në fshatin Shupkovc të Mitrovicës. Në këtë aksident është raportuar të kenë qenë të përfshira katër automjete; në mesin e tyre një automjet transportues. Në përplasjen zingjirore në mes automjeteve të përfshira në aksident, i cili ka ndodhur si pasoj e mos mbajtjes së distancës së duhur, në mesin e shtatë personave të lënduar, katër prej të cilëve janë fëmijë të moshës prej 3 deri 7 vjeç. Të gjithë të lënduarit, fillimisht janë trajtuar në emergjencën spitalore në Mitrovicë, dhe më pas janë liruar nga mjeku kujdestar për trajtim shtëpiak. Në bazë të raporteve preliminare të hetuesve të trafikut rrugor në Mitrovicë, mësohet se aksidenti ishte shkaktuar si pasojë e pakujdesit të drejtuesit të automjetit transportues “DAF”, i cili me shpejtësi, duke mos mbajtur distancën e duhur, dështon të frenon para se nga prapa të godet automjetin e pasagjerëve i cili ishte rreshtuar prapa dy automjeteve tjera në pritje për kthim majtas, për hyrje në parkingun e  qendrës tregtare “Viva Fresh”. Rrjedha e qarkullimit të trafikut rrugor në vendin e aksidentit, ka qenë e ngadalësuar për pakë kohë derisa njësitë reaguese policore kanë bërë ekzaminimin e vendit të ngjarjes. Prokurori i prokurorisë themelore, i cili është informuar lidhur me rastin, ka autorizuar zhvillimin e hetimeve të mëtejme nga hetuesit policor të trafikut rajonal të Mitrovicës. /kosovasot/

 

Printo Dërgo
  • di

Komente


arkivi i lajmeve