Arrestohen për prostitucion

Mitrovicë-Policia që nga janari ishte në procedurë hetimi të një rasti të dyshimtë për mundësim të marrjes me prostitucion. Pas zhvillimit të hetimeve për dyshimin e mundësimit të prostitucionit në tri lokacione të ndryshme janë arrestuar pesë të dyshuar, tre meshkuj dhe dy femra shqiptare. Gjatë operacionit është bërë kontrollimi i një banese, ndërsa nga të dyshuarit janë konfiskuar prova materiale lidhur me rastin. Me autorizim të prokurorit, të dyshuarit dërgohen në mbajtje, por nuk janë njoftuar detaje të tjera rreth këtij rasti.