Dyshohet të ketë vdekur nga alkooli dhe të ftohtit

Gjilan, 20 shtator

Shtetasi kosovar D. S. (1965), është gjetur i pajetë në fshatin Koretin dhe në bazë të hetimeve të para, besohet se shkaktar i vdekjes së tij të ketë qenë alkooli dhe temperaturat e ulëta. Mjeku në vendin e ngjarjes nuk ka konstatuar shenja të dhunës në trupin e tij, ka thënë zëdhënësi i PK-së në Gjilan, togeri Ismet Hashani. Në bazë të informatave fillestare, dyshohet se qytetari serb ishte konsumues kronik i alkoolit. Dyshohet se vdekja e tij në rrugë, afër lumit të fshatit, ka ndodhur si pasojë e konsumimit të tepruar të alkoolit si dhe borës dhe temperaturave të ftohta. Me urdhër të prokurorit, trupi i viktimës është marrë nga njësiti i Institutit të Mjekësisë Ligjore, për obduksion, ndërsa hetimet rreth këtij rasti, janë duke vazhduar, ka thënë Hashani.