Humb jetën një 26-vjeçare

Një person i gjinisë femërore B.M. nga Prishtina, ka humbur jetën në pishinën e Gërmisë në Prishtinë. Policia rajonale e Prishtinës, e cila ka dalë në vendin e ngjarjes së bashku me prokurorin, ka bërë të ditur se rasti ka ndodhur të shtunën rreth orës 17.30. B.M., e moshës 26-vjeçe, kishte dalë bashkë me burrin dhe dy fëmijët në pishinën e Gërmisë. Sipas dëshmitarëve, viktima ka qenë duke u larë në një pjesë jo të thellë të pishinës dhe është parë kur është rrëzuar. Trupi i viktimës është nxjerrë nga zhytësit e pishinës dhe i është dhënë ndihma e parë, ndërsa më pas është dërguar për në QKUK, ku mjekët konfirmuan vdekjen e saj. Me urdhër të prokurorit komunal të Prishtinës, trupi i pajetë është dërguar për obduksion. Dyshohet se B.M. ka vdekur si pasojë e sulmit në zemër.