Katër persona arrestohen për grabitje

Mitrovicë, 22 shkurt

Hetuesit rajonalë të Policisë së Kosovës të sektorit kundër krimeve të rënda në Mitrovicë kanë arrestuar katër personave të dyshuar kryesorë për përfshirjen e tyre në rastin e grabitjes së armatosur të raportuar të ketë ndodhur më 14 janar rreth orës 19:00, në një barnatore private në rrugën “Fadil Deliqi” në lagjen ‘Bair’ të Mitrovicës. Në rastin e raportuar të grabitjes, dy viktimat e gjinisë femërore ishin vënë nën kërcënim të armës nga tre sulmuesit e tyre, ndërsa të njëjtit kishin arritur të marrin para në vlerë prej 300 euro dhe një telefon celular. Me autorizimet e ligjshme në procesin e hetimeve, hetuesit kanë arritur që të sigurojnë prova të mjaftueshme materiale, përfshirë armën, pistoletë tip “Zastava” 6.35mm, e cila besohet të ketë qenë e përfshirë në rast, si dhe telefonin celular që besohet t’i takojë viktimës së rastit të raportuar. Veç provave materiale të cilat lidhen drejtpërsëdrejti në rastin e grabitjes, në njërën nga shtëpitë e të dyshuarve, hetuesit kanë identifikuar dhe sekuestruar edhe katër qese të vogla me rreth 8 gramë, substancë të dyshuar narkotike të llojit marihuana. Katër të dyshuarit e arrestuar, të gjithë të përkatësisë etnike shqiptar, janë intervistuar nga hetuesit policorë, ndërsa dy prej katër të arrestuarve u është caktuar masa e ndalimit policor prej 48 orëve, me vendim të prokurorit publik. Ndaj njërit prej të dyshuarve janë iniciuar hetimet lidhur me posedimin e substancave të dyshuara narkotike.