Kosova Sot
description

Kërkojnë azil politik në Kosovë

Publikuar: E shtune 4 Shtator 2010, 20:45 17 Komente

Dy shtetas të Afganistanit kanë kërkuar azil në Kosovë. Ata kanë tentuar të hyjnë në aeroportin e Prishtinës, ku pasi që janë identifikuar nga policia, kanë kërkuar që të gëzojnë të drejtën e azilit në Kosovë. Sipas një raporti të policisë, dy personat në fjalë, kanë udhëtuar nga Turqia me kompaninë ajrore “Turkish Airlines” dhe gjatë legjitimimit në aeroportin e Prishtinës, policia ka vërejtur se personat në fjalë kanë udhëtuar pa dokumente identifikimi. Sipas të njëjtit raport të policisë, zyrtarët e policisë u kanë ndaluar hyrjen në vend pa dokumente, përderisa menjëherë pas kësaj, personat në fjalë kanë kërkuar statusin e azilit politik në vend.

Që nga viti 2008 e deri më tani, në Republikën e Kosovës, statusin e azilantëve e kanë kërkuar rreth 100 shtetas të huaj, të cilët vijnë nga vendet e regjionit, si dhe nga vendet e lindjes, si Irani, Afganistani dhe Pakistani. Me akomodimin dhe trajtimin e tyre, merret Ministria e Punëve të Brendshme, përderisa azilkërkuesit në fjalë strehohen në hotele dhe qendra kolektive.

 

Printo Dërgo
  • di





arkivi i lajmeve