Lirohet Gani Zogaj

Vetëm një ditë pasi ishte arrestuar nën akuzën se ka penguar mbledhjen e provave në lidhje me hetimet në MTPT, është lënë i lirë zyrtari i teknologjisë informative (IT) në Ministrinë e Administratës Publike, Gani Zogaj.Zëdhënësi i EULEX-it, Blerim Krasniqi tha se lirimi i Gani Zogajt është bërë me urdhëresë të një gjykatësi nga Gjykata e Qarkut në Prishtinë. “Zyrtari i teknologjisë informative (IT) në Qeverinë e Kosovës, Gani Zogaj i arrestuar të enjtën tani është liruar nga ndalimi policor. Por personi në fjalë vazhdon të mbetet i dyshuar dhe akuzohet nga Prokuroria Speciale për pengim të mbledhje së provave në rastin MTPT-së”, ka thënë ai.

Departamenti i Policisë Ekzekutive të EULEX-it gjatë ditës së djeshme ka bastisur banesën dhe zyrën e Gani Zogajt dhe e kishte arrestuar atë nën akuzat për pengim të hetimeve.