Një grua humb jetën nga zjarri

Një grua, rreth 85 vjeçare, besohet të ketë humbur jetën si rezultat i ngulfatjes, gjatë një zjarri i cili kishte kapluar një shtëpi private në rrugën e “Tetovës” në Lagjen e Boshnjakëve, në veri të Mitrovicës. Policia e Kosovës në veri të Mitrovicës, rreth orës 18:50, është informuar për shkaktimin e rrezikut të përgjithshëm nga zjarri i paraqitur, ndërsa ka pranuar informatën edhe për viktimën e rastit, H.Laçkoviq (1927), e përkatësisë etnike boshnjake, e cila besohej të ishte nxjerrë jashtë shtëpisë nga familjarët e saj, ndërsa besohej të ishte pa shenja jete. Hetuesit policorë dhe teknikët e kriminalistikës, të cilët kanë dalë në vend të ngjarjes, kanë identifikuar trupin e pajetë të viktimës, e cila besohet të ishte ngulfatur nga tymi i zjarrit.