Një minator humb jetën aksidentalisht

Leposaviq, 21 shkurt

V. Vukadinoviq, 53-vjeçar, i përkatësisë etnike serbe, e ka humbur jetën aksidentalisht gjatë lëshimit poshtë në njërin nga horizontet e minierës “Trepça” Bello Bërdo, në Leposaviq. Trupi i pajetë i viktimës nga Leshaku i Leposaviqit është nxjerrë jashtë minierës me ndihmën e ekipeve shpëtuese të minatorëve të Trepçës, ndërsa me urdhër të prokurorit publik është dërguar në Institutin e Mjekësisë Ligjore në Prishtinë për obduksion. Zëdhënësi i Policisë Rajonale në Mitrovicë, Besim Hoti, ka thënë se rasti është regjistruar si vdekje aksidentale nën rrethana të dyshimta, ndërsa hetuesit policorë janë në pritje të raportit të ekspertit mjeko-ligjor./kp/