Policia konfiskon 880 litra derivate kontrabandë

Policia, gjatë kontrollit rutinor, në një pikë statike në rrugën " Driton Veliu" në Mitrovicë, ka hasur në një rast të kontrabandës me derivate. Pas kontrollimit të automjetit me targa vendore, që drejtohej nga i dyshuari, janë gjetur dhe konfiskuar rreth 880 litra naftë të kontrabanduar, të cilat ishin të vendosura në një rezervuar të improvizuar. Me urdhër të prokurorit, rasti shkon në procedurë të rregullt. Nuk jepen detaje të tjera rreth këtij rasti. Në një rast tjetër të kontrabandës së mallrave të raportuara, më 31 janar policia ka njoftuar se të dyshimtin e ka dërguar para gjyqtarit të procedurës paraprake dhe pas dëgjimit i është shqiptuar masa e arrestit shtëpiak prej 30 ditësh.