Shpërthen zjarri në një shtëpi

Podujevë, 6 shkurt

Në Podujevë, në rrugën “Ilir Konushefci”, në një shtëpi ka shpërthyer një zjarr që ka shkaktuar dëme të mëdha materiale. Kështu, siç bëjnë të ditur burime nga PK-së, një qytetar ka raportuar se në katin e tretë të shtëpisë së tij ka shpërthyer një zjarr. Në vendin e ngjarjes kanë dalë njësitë përkatëse dhe kanë shuar zjarrin. Shkaktar i zjarrit dyshohet të këtë qenë energjia elektrike. Vlera e dëmit të shkaktuar është 10.000 euro. Nuk raportohet për të lënduar. Vlen të ceket se në këto ditë të acarta në komunën e Podujevës është ky rasti i dytë që shpërthejnë zjarre në shtëpi banimi. Rasti i parë ka ndodhur ditë më parë në një shtëpi në fshatin Lladofc, ku një familje gjashtë anëtarësh i është djegur tërësisht shtëpia.