description

Tre të arrestuar për vrasjen e djeshme në Pejë

Publikuar: E marte 20 Shtator 2011, 14:56 0 Komente

Njësitet policore kanë arritur të arrestojnë tre persona të cilët dyshohet se janë të përfshirë në vrasjen e Kreshnik Isufajt. Zëdhënësi rajonal i policisë në Pejë, Xhevat Ibra tha se të arrestuar janë F.G (22 vjeç) nga fshati Qyshk i Pejës, si dhe B.K (21 vjeç) dhe D.K (25 vjeç), që të dy nga Peja. Ibra pohoi se personat e arrestuar që dyshohen të jenë të përfshirë në vrasjen e djeshme në qendër të Pejës, ishin fshehur në një stan në fshatin Shkrel të Rugovës, raporton Kosovapress. “Hetuesit policorë kanë zhvilluar aktivitete intensive operativo-hetimore, duke mbledhur informata në terren dhe duke bashkëpunuar ngushtë me qytetarë të Pejës. Ata kanë arritur që të lokalizojnë vendstrehimin e të dyshuarve në fshatin Shkrel të Rugovës në një stan”, ka thënë ai. Bëhet e ditur se policia ka konfiskuar edhe dy armë zjarri, përkatësisht pistoleta, që dyshohet se janë përdorur në vrasjen e Kreshnik Isufajt dhe plagosjen e një shtetasi të Shqipërisë. Të dyshuarit e arrestuar me vendim të prokurorit po mbahen në ndalim policor, derisa rasti të procedohet më tutje nga organet e rendit.

 

Printo Dërgo
  • di

Komente


arkivi i lajmeve