Vetëplagoset gjahtari

Therandë - Zyra për informim e policisë bëri të ditur se në Shirokë të Therandës një qytetar kishte takuar një person të plagosur dhe e kishte dërguar në emergjencën e Spitalit Rajonal të Prizrenit për trajtim mjekësor, për shkak të natyrës së plagëve. Sipas hetimeve preliminare, është bërë e ditur se i plagosuri kishte dalë në gjah për të gjuajtur shpendë në fusha të fshatit, mirëpo kishte pasur me vete një armë artizanale e kalibrit të vogël, të cilën e ka shkrehur aksidentalisht dhe e ka lënduar vetveten në këmbë. Për ta ndriçuar këtë rast, policia e ka nisur hetimin dhe ka sekuestruar një armë artizanale me origjinë çekosllovake dhe 18 fishekë të kalibrit të panjohur. Provat materiale me shkresat e lëndës do t’i kalojnë prokurorisë për procedurë të mëtejme.