Vrasësi i mjekes dënohet me 25 burg

Në Gjykatën e Qarkut në Prishtinë të hënën është përmbyllur shqyrtimi kryesor. Katër vjet pas vdekjes së dr. Igballe Llalloshit, ish-bashkëshorti i saj Ferki Ibrahimi është dënuar me 25 vjet heqje lirie. Këtë vendim e mori trupi gjykues, që kryesohej nga gjyqtari Mejdi Dehari ndaj të akuzuarit, i cili tashmë është dënuar për vrasjen e mizore. Ndryshe e ndjera pas vetes ka lënë dy fëmijë, një djalë dhe një vajzë, të cilët po rriten te halla e tyre. Ky vendim vjen në bazë të provave dhe dëshmive tashmë të bazuara nga ana e trupit gjykues. Që të dyja palët edhe prokurori, edhe mbrojtja kanë paralajmëruar ankesë në lidhje me këtë vendim. Ndryshe në fjalën përfundimtare përfaqësuesi ligjor i palës së dëmtuar avokati Bajram Tmava, si dhe babai i viktimës Qazim Llalloshi kanë shpalosur kërkesën e njëjtë, duke kërkuar dënim për autorin e vrasjes dhe jo kompensim material.