Kinezi blen makinë me monedha metalike

Zao, i cili ka biznes të vetin në qytetin Xhining në pjesë perëndimore të vendit, makinën do ta përdorë për punë. Është e pazakontë për njerëz të cilët blejnë makina, por Zao e bëri këtë me thasë të mbushur me më shumë se 100 mijë juan metalikë. Për të nuk ishte e lehtë të gjejë një auto sallon i cili do të pranonte këtë lloj pagese. I mbaja paratë me vete që të shihja se kush do të pranojë në këtë mënyrë ma bëjë të mundur blerjen e makinës. Udhëheqësi i një salloni vendosi të pranojë dhe me të vërtetë më ndihmoi shumë”, tregon Zao, blerës i makinës. Zao në fund u largua i lumtur me makinën e re dhe më i lehtë për 100 mijë monedha.

Mban në bark binjaken e vet

Mjekët, pasi panë se në muajt e parë të jetës barku i Kang po zmadhohej shumë, urdhëruan t’u nënshtrohej disa analizave dhe zbuluan shkakun e “barkun të madh”. Nuk ishte gjë tjetër, veçse prania e një fetusi.

Shumë shpejt vajza do t’i nënshtrohet një operacioni për të hequr trupin e së motrës.

Britanikja, më e shpejta në shkrimin e SMS-ve

Melisa Tompson, 27 vjeçare, arriti të shkruajë: “Peshkaqenët me dhëmbë të mëdhenj të tipit ‘Serrasalmus’ dhe ‘Pyroventrus’ janë peshqit më të etur për gjak të ujërave të njelmëta. Por, është më pak e njohur se ata në realitet kurrë nuk na sulmojnë neve njerëzve”, për vetëm 25.94 sekonda. Porosia është shkruar aq shpejt saqë menjëherë është regjistruar në librin e rekordeve. Rekordi paraprak ka qenë 9.6 sekonda, ndërsa Tompson, nga Selfordi në Britaninë e Madhe, për ta thyer rekordin ka shfrytëzuar telefonin mobil të “Samsungut”, “Galaxy S”. Në mars të këtij viti, të njëjtën porosi, duke përdorur të njëjtin telefon, e dërgoi amerikani Frenklin Pejxh, por për fat të keq koha kalimtare e Frenklinit prej 35.54 sekondave ishte tepër e gjatë.

Dhjetë ditë kolonë e automjeteve

Njëra pas tjetrës qëndrojnë vetura në një distancë përafërsisht 100 kilometra. Në momentet më të vështira automjetet kanë lëvizur më pak se një kilometër në ditë. Disa vozitës kanë mbetur për pesë ditë në kolonë. Ky bllokim trafiku filloi para dhjetë ditësh në një autostradë mes Pekinit dhe Zhiaongiakout, ku prej zbulimit të fushave me qymyrgur në Mongoli shumë shpesh janë formuar kolona. Numri i automjeteve këtu rritet me 40% për çdo vit. Vozitësit e kalojnë kohën duke fjetur, shëtitur dhe duke luajtur me letra. Fshatarët në afërsi bëjnë biznes të mirë duke u shitur ushqim atyre. Punimet në Pekin, të cilat janë duke e kufizuar trafikun, do të përfundojnë më 17 shtator.

Lindi vajza me gjak ngjyrë rozë

Kohë më parë në spitalin e provincës kineze Hubei, një bebe e porsalindur befasoi personelin mjekësor kur zbuloi se gjaku i saj nuk është i kuq, ashtu siç normalisht duhet të ishte, por ngjyrë rozë. Po, po, ishte gjak ngjyrë rozë edhe pse mund t’ju duket e pabesueshme kjo. Nuk është aspak e sajuar, bëhet fjalë për një fakt që nuk ka kurrsesi dyshim në vërtetësinë e tij. Gazeta “China Daily” njoftoi se deri në ditën e shtatë pas lindjes mjekët konstatuan se vajza ishte e shëndoshë, por simptomat e sëmundjes u paraqitën dy javë më vonë dhe më pas ajo u dërgua menjëherë në spital. S’kishte si të ndodhte ndryshe në fakt, duhet të kishte padyshim diçka që nuk shkonte. Vajza është diagnostifikuar me hiperlipidermi, infeksion në mushkëri, anemi dhe retinotapi.

Adresa e e-mailit më të gjatë në botë

Zahari Ridell ka hapur adresën me 411 shenja duke thyer kështu rekordin e Piter Kreg, i cili ka adresën me 345 shenja. Nëse dëshironi ta përgëzoni Zaharin për rekordin e tij, mund t’i shkruani në këtë e-mail adresë:

hi-this-is-the-longest-email-in-the-world-and-is-much-superior-to-contact-admin-hello-webmaster-info-services-peter-crazy-but-oh-so-ubber-cool-english-alphabet-loverer-abcdefghijklmnopqrstuvwxyz-at-please-try-to.send-me-an-email-if-you-can-possibly-begin-to-remember-this-coz.this-is-the-longest-email-address-known-to-man-but-to-be-honest.this-is-such-a-stupidly-long-sub-domain-it-could-go-on-forever@zchr.org

Megjithatë, disa programe, siç është ‘Outlook’, nuk pranojnë adresa kaq të gjata, kështu që ai do ta shkurtojë pak. Por, problemi i vërtetë është kur futet në internet nëpërmjet telefonit ose në “internet caffe”. Nëse adresa thjesht nuk kopjohet, atij do t’i duhet goxha kohë për ta shkruar.

Vrasin vajzën për t?u pasuruar

Në rajonin verior të Utar Pradesh nuk është një gjë e rrallë që familjet të sakrifikojnë fëmijët për një jetë më të mirë.

Kjo ka ndodhur me një çift që me ndihmën e një magjistari kanë vrarë vajzën e tyre për të kërkuar ndihmë nga qielli.

Policia ka gjetur trupin e pajetë të fëmijës të rrethuar nga lule dhe objekte të tjera fetare.

Trupi ka shenja të theksuara të shkaktuara nga objekte të ngulura. Sipas banorëve, bëhet fjalë për ritin “tantrik” ku një lloj ekzorcisti u premton prindërve se do të bëhen të pasur nëse vrasin vajzën. Prindërit Krishna e Rama Devi, si dhe “shenjtori” Shiv Kumar nuk janë arrestuar ende nga policia

Një kinez për martesë romantike kishte blerë 99.999 trëndafila

Kinezi Ksiao Vang nga qyteti Çnogçing ka shpenzuar pagën vjetore për të blerë 99.999 trëndafila për nusen e tij, Ksiao Liu, me të cilët kishte zbukuruar 30 makina për ceremoninë e martesës së tyre. Kinezët besojnë se numrat 999 sjellin fat.

Përmes internetit kishte gjetur makinat si dhe vullnetarët që i kishin ndihmuar të stolisë makinat.

“Mu kujtua se Liu adhuron trëndafilat dhe ideja më erdhi vetvetiu. Kur pash shprehjen në fytyrën e saj posa pa makinat e stolisura ia ka vlejtur mundi dhe paratë e shpenzuara”, tha Vang.

“Para një viti kam theksuar se dua një martesë romantike. Edhe më tutje nuk mundem të besoj. Kjo është e pabesueshme”, deklaroi Liu.

Kupa e botës e bërë nga kokaina

Një kopje e kupës së botës, e konfiskuar nga policët anti-drogë të Kolumbisë është bërë nga kokaina, konfirmuan testet laboratorike. Kupa 36 cm është gjetur në një arkë në aeroportin e Bogotës. Arka ishte në një magazinë dhe duhej të dërgohej në një adresë në Spanjë, deklaroi shefi i anti-drogës të aeroportit, Hoze Piedrahita, njofton ‘BBC’.

12- vjeçari që ngriti 140 kilogramë

Kajl Kejne, do të hyjë në librin e rekordeve “Guinness”, pasi që pa problem ka ngritur dy herë më shumë kilogramë, se sa peshon vetë, duke i habitur edhe njerëzit më të fuqishëm në botë.

Në garën e organizuar më parë, djaloshi me lehtësi ka ngritur 140 kilogramë dhe kështu theu rekordin e deritanishëm botëror për dymbëdhjetëvjeçarë, të cilin e mbante amerikani Kirbi Uinson, me 107 kilogramë të ngritur.

Prifti në skejtbord

Një prift hungarez, i cili në skejtbord përhap fjalën e Zotit, është bërë sensacion në internet.

Video xhirimi i priftit 45-vjeçar, Zoltan Lendvai, në “aksion” në skejtbord është parë nga afër 170 mijë persona në ‘YouTube’.

Drejtimi i skejtbordit, shpjegoi ai, i ndihmon të tërheq të rinjtë në kishë dhe t’u tregojë rrugën për te Zoti.

U lind macja me katër veshë

Një mace u lind me katër veshë. Ngjarja e rrallë ka ndodhur në Vladivostok, në Rusi.

Macja e veçantë Luntik ka një ngjyrë shumë të bukur të qimeve, ndërsa veshët e tepërt në numër e bëjnë atë unike.

Veshët e shumtë e kanë bërë këtë mace sot për sot tepër të famshme, duke i dhënë disa privilegje që të tjerat nuk i kanë…

Një grua hyn në fushë dhe rreh arbitrin

Ngjarja ka ndodhur gjatë një derbi të qytetit të saj në Dalian, provinca verilindore kineze e Liaoning, në takimin mes Dalian Aerbin dhe Dalian Yteng. Ndeshja ka përfunduar 2-0 për Dalian Yteng, por gjatë ndeshjes tifozët kundërshtarë e kanë akuzuar arbitrin që ka favorizuar fituesit.

Pitoni ruan drogën e trafikantëve

Gjatë bastisjes së një apartamenti në Romë, policët hasën në një piton tre metra të gjatë, i cili i sulmoi. Policët pasi arritën të kontrollojnë gjarprin, nën të gjetën 200 gramë kokainë të pastër, që e ruante me xhelozi. Besohet se trafikantët kanë përdorë këtë gjarpër të rrezikshëm për t’i frikësuar klientët dhe për t’i detyruar të paguajnë. Në aksion janë arrestuar 12 trafikantë dhe janë konfiskuar pesë kilogramë kokainë, raporton agjencia “Ansa”. Kujdesin për pitonin (Python Molurus Bivittatus), me origjinë nga Guineja, i cili vlerësohet me një shumë të konsiderueshme, e ka marrë kopshti zoologjik i Romës.

Historia e 25-vjeçares në kërkim të? spermës

E vetëquajtur “gjuetare e spermës”, ajo gjen momentin për tu bërë tapë dhe për të kërkuar dikë me të cilin të bëjë seks. Nëse Lara 25-vjeçare takon dikë i cili dëshiron të përdorë prezervativ ajo gjithnjë e ka një zgjidhje, një të tillë e ka në çantë, por pasi i ka bërë një vrimë. Lara, me profesion asistent-menaxhere, thotë :“Kjo është absolutisht koha e duhur për të pasur një fëmijë dhe asgjë nuk më pengon dot. Të gjithë miqtë e mi kanë një fëmijë dhe unë kam një dëshirë për t’u bërë nënë”. “Unë nuk kam një të dashur të qëndrueshëm, por shoh se koha për të pasur një fëmijë po kalon. Më duhet një burrë i cili do të më ofrojë spermën dhe nuk më intereson më ta shoh sërish atë. Kjo është arsyeja pse unë jam një ‘gjuetare sperme’”, sqaron ajo.