A ju pëlqen 'Timeline'?

'Facebook Timeline' gjithnjë e më shumë është duke u përhapur, ndërsa kështu përdoruesit e 'Facebook' kanë me të vërtetë pak kohë për t'i rregulluar profilet e tyre, duke pasur parasysh që ky rrjet social automatikisht i kalon përdoruesit në dukjen e re të profilit, 'Timeline', ofron qasje në tërë historinë tuaj, që nga dita kur i jeni bashkëngjitur këtij rrjeti, madje shkon edhe deri te data e lindjes së përdoruesit. Ky është një ndryshim i madh, ndërsa nuk është i vogël numri i atyre përdoruesve që nuk janë të kënaqur me këtë hap të 'Facebook'-ut. Disa këtë e kuptojnë si një biografi interaktive të publikuar online.