Aplikacione të reja për "Facebook"

"Facebook" e ka shtuar një seri të aplikacioneve të reja, të cilat shfrytëzuesve u mundësojnë të këmbejnë fotografi, përshtypje nga udhëtimet ose trendët e modës. Rrjeti social i internetit ka prezantuar më se gjashtëdhjetë aplikacione të reja, të cilat mund të përdoren në profilet e 'Facebook'-ut, të njohura si 'Timeline'. Shfrytëzuesit tashmë e kanë mundësinë ta këmbejnë muzikën, të cilën e dëgjojnë ose artikujt e gazetave, të cilat i lexojnë, por zhvillimi më i ri e zgjeron dukshëm numrin e aplikacioneve. Aplikacionet më të reja janë 'Ticketmaster', 'Rotten Tomatoes' dhe 'Foodspotting', por pritet që të krijohet një numër edhe më i madh i aplikacioneve.