"Asus Transformer Prime"

'Asus Transformer Prime TF700T', tableti i parë Android me çip 'NVIDIA quad core Tegra 3', i cili sipas planeve të mëhershme në treg do të duhej të dalë në fillim të këtij viti, në tregun e Britanisë do të dalë në shitje në muajin qershor, gjë që është konfirmuar edhe zyrtarisht nga kompania 'Asus'. Në kuadër të modelit të ri janë përmirësuar pikat e dobëta të dizajnit, të cilat janë vërejtur në modelin paraprak dhe kështu modeli i ri i 'Asus Transformer Prime' karakterizohet nga bateria e kapacitetit më të madh, rezolucioni më i mirë i ekranit, si dhe kamera 2MP në anën e parme, së bashku me specifikimet e modelit origjinal të 'Transformer Prime'.