Çfarë sjell 'Windows 8'?

Çfarë është 'Windows 8' dhe a është 'Metro' në tërësi drejtimi i ri për 'Windos API' dhe çfarë do të thotë kjo me të vërtetë për zhvillimin e softuerit? Ata të cilët tashmë njohin 'Windows API'-në e dinë se sa kohë u është dashur që ta mësojnë, kuptojnë dhe në fund ta vlerësojnë sipas mënyrave të funksionimit. Sistemi operativ 'Windows' është i bazuar në funksione dhe nën-rutina, ndërsa ato funksione ose 'API' mundësojnë karakteristikat të cilat i shfrytëzojnë programuesit. Të gjitha gjërat që kanë vlejtur deri tani më nuk do të vlejnë kur bëhet fjalë për 'Windows 8'. Thënë më së thjeshti, imagjinoni se jeni automekanik i cili me vite është specializuar në fushën e riparimit të veturave me motor me benzinë ndërsa më pas papritmas gjendeni në situatë në të cilën duhet të riparoni një veturë me makinë hibride.