?Google? paralajmëron sistem të ri operativ

Kompania “Google” ka bërë të ditur se, deri në fund të vitit, do të lëshojë në treg sistemin e ri operativ – “Chrome OS”. Këtë e ka deklaruar zëvendëspresidenti i kompanisë, Sundar Piçaj, i cili është në krye të këtij projekti. Ai ka deklaruar se versioni i parë i këtij sistemi operativ do të specializohet sidomos për “notebook” dhe se kompania, në plasmanin e mëtejmë të platformës, do të ketë qëndrim selektiv.

Pritet që sistemi operativ pa pagesë i kompanisë “Google” do të paraqesë konkurrencë të sistemit operativ të gjigantit “Microsoft” – “Windows”, i cili për momentin mban rreth 90% të këtij tregu.

“Chrome OS” bazohet në kërkuesin (browser) e internetit “Google Chrome”, ku, sipas Sundar Piçajit, qysh nga dita e parë pas plasimit, “Chrome OS” do të ofrojë disa milionë të ueb të dhënave, të cilat përkrahen nga browser-i.

Planet e “Google”-it për përgatitjen e sistemit të veçantë operativ ishin bërë publike në qershor të vitit të kaluar. Në bazë të këtij sistemi operativ është “Linux”.

Në nëntor, kompania në fjalë kishte paraqitur sistemin e saj operativ dhe kishte bërë të ditur kodin e tij fillestar, duke bërë të ditur se “Chrome OS” do të jetë kompatibil me teknologjinë HTML5 dhe “Flash”.

• valdrin 15.10.2010 - 12:56

  oo shum mir