"Samsung Galaxy Tab 2"

"Samsung Electronics" ka prezantuar linjën e parë të kompjuterëve 'tabletë' për vitin 2012 e cila sjell mes tjerash prezantimin e modelit 'Galaxy Tab 2'. Bëhet fjalë për një pajisje ideale e cila do t'ju mundësojë të jeni gjithmonë 'online' kur jeni në lëvizje. Ky model do të jetë në dispozicion në versionet të cilat ofrojnë lidhje '3G' dhe 'WiFi'. Modeli tashmë është në shitje në Britani, ndërsa në shtetet e tjera pritet të dalë në shitje gjatë muajit të ardhshëm. Ky model është karakteristik për ekranin e tij prej 7'', i cili siguron mjaft hapësirë për të gjitha detyrat e rëndësishme si dhe për sistemin operativ Android 4.0, i cili këtij versioni i sjell edhe më shumë karakteristika, për qasje të lehtë në përmbajtje të tjera multimediale.