'SSD' nuk ka të ardhme të ndritshme

Folësit në konferencën e dhjetë 'Usenix' lidhur me teknologjitë për ruajtjen e të dhënave kanë thënë se e ardhmja e 'drive'-ve 'SSD', përkundër përparësive të mëdha të tyre nuk do të jetë edhe aq e ndritshme. Në fakt, përkundër faktit që dendësia dhe kapaciteti i këtyre llojeve të 'drive'-ve janë në rritje e sipër, rriten edhe problemet të cilat kanë të bëjnë me shpejtësinë e leximit dhe shkrimit. Përkundër faktit që dendësia e tyre po rritet, derisa shpenzimet janë duke rënë për gigabajt, të gjitha gjërat lidhur me to janë duke u përkeqësuar. E tërë kjo na bën të mendojmë se 'SSD' ndoshta nuk është teknologjia, e cila do ta zëvendësojë tërësisht atë 'HDD'.