Toshiba L300-2C6 notebook

Është vështirë të flitet për ndonjë ‘notebook’ të “Toshiba”-s, e të mos përmendet garancia gjithëpërfshirëse „No matter What“. Kualiteti i laptopit është i prekshëm – shtëpiza, tastiera... por ai mund të kuptohet më mirë nga të dhënat shtesë. Sa i përket garancisë, “Toshiba” me të vërtetë nuk ka konkurrencë, meqë ju garanton ndërrimin e produktit edhe nëse ai iu bie në tokë, nëse ua vjedhin, etj. Kjo ka shumë rëndësi, meqë deri tani, askush nuk ka ofruar një garanci të tillë. Përshtypja e parë nga laptopi “Toshibu L300-2C6” është shumë e mirë. Shtëpiza është e fortë, tastiera ka renditje të mirë, derisa ekrani është reflektues, gjë që rritë përshtypjen e ngjyrave dhe kontrastit. Specifikimet janë standarde: procesori me dy bërthama 2.10 GHz Intel Core 2 Duo, disku 250 GB, ekrani 15.4“, me rezolucion 1280 x 800. Vëmendjen e tërheqë edhe memoria e madhe punuese, prej 4 GB, por edhe sistemi operativ “Windows Vista Home Premium”.