Vera, e dëmshme për celularë

Stina e verës mund të na pëlqejë tepër neve njerëzve, por nuk ka dyshim se, për celularët, ajo është shumë e dëmshme, meqë një studim italian ka konstatuar se celularët më së shumti prishen në këtë stinë.

Studimi i kompanisë së konsalltingut “CPP Italia”, i cili ka studiuar dhe ka bashkëpunuar me dhjetëra servisë për ndreqjen e celularëve të prishur në mbarë Italinë, ka konstatuar se 75% e ndreqjeve bëhen në periudhën midis qershorit dhe gushtit (30%), si dhe pas kthimit nga pushimet vjetore (45%).

Siç transmeton agjencia informative “Ansa”, deri te prishjet e celularëve zakonisht vjen pas një ekspozimi tepër të gjatë të tyre në diell, apo për shkak të përdorimit të tyre me duar të lagështa, apo me rërë të plazhit.

Prishjet më të shpeshta kanë të bëjnë me problemet me softuer, apo me thyerjen a prishjen e ekranit.