'Windows 7' e kapërcen versionin 'XP'

Sipas të dhënave të 'StatCounter', 'Windows 7' e ka kapërcyer versionin 'XP' dhe është bërë sistemi më i popullarizuar operativ. Ai tani gjendet në 40,21 për qind të kompjuterëve në tërë botën, derisa përqindja e 'Windows XP' ka rënë në 38,64 dhe kështu 'Windows 7', jo vetëm që është 'Windows'-i më i përfaqësuar, por edhe sistemi më i përfaqësuar operativ. 'Microsoft'-i ndoshta nuk është më i suksesshmi në fushën e platformave mobile, por sa u përket 'desktop' platformave mban tri vendet e para. 'Vista' gjendet në vendin e tretë, ndërsa sistemi operativ 'Mac OSX' në të katërtin në tregun global.