Duhet të ashpërsohet kontrolli i cilësisë së derivate të naftës (VIDEO)
Qytetarët e anketuar nga “Kosova Sot” kanë vlerësuar se duhet të ashpërsohet kontrolli i cilësisë së derivate të naftës pasi tani për tani nafta është shumë e dobët dhe jo cilësore dhe po ndikon edhe në shëndetin e qytetarëve.
Enver Zeneli thotë se duhet të kontrollohet cilësia e derivateve të naftës sepse ajo është mjaft e dobët. “Kjo përpos që ndikon në automjete, ndikon edhe në ambientin tonë”.
Pajazit Halimi thekson se duhet të ashpërsohet kontrolli i cilësisë së derivate të naftës pasi tani për tani nafta është shumë e dobët dhe jo cilësore dhe po ndikon edhe në shëndetin e qytetarëve.
Habib Limani thotë se cilësia e naftës duhet të rregullohet në mënyrën më të duhur ashtu siç është e paraparë të jetë sipas standardeve të BE-së, pasi nëse cilësia është e dobët, vinë plot të këqija të tjera.
Rrahim Rexhepi konstaton se duhet dhënë shumë rëndësi që ajo të jetë kualitative, të kontrollohet cilësia e saj. “Kjo pasi nëse nuk kemi cilësi kualitative atëherë reflektohet edhe në shëndet, në vetura, ambient etj”.
(Kosova Sot)