E konfirmon (Foto)

Selena Gomez ka vendosur të këndojë në Australi dhe Zelandë të Re

Selena Gomez ka bërë me dije se turnetë e saj muzikorë do të mund t’i dërgonte edhe në Australi dhe në Zelandën e Re, gjatë vitit 2016.

Dhe, këtë të mërkurë, bukuroshja dhe këngëtarja 23 vjeçe përfundimisht ka bërë të ditur datat e koncerteve për në bregun lindor – dy vite pasi që kishte anuluar turneun e saj “Aussie”, sepse ishte sëmurë. Ish-ylli i “Disney”, në Melburn do të shfaqet më 6 gusht, në “Margaret Court Arena”, transmeton gazeta Kosova Sot Online.

Ndërsa që në “Hordern Pavillion” të Sidnejit do të paraqitet më 9 gusht, para se të rrumbullakojë aventurën e saj treditore në “Brisbane's Entertainment Centre”, më 11 gusht.

Pasi që duket të jetë shumë e zënë, ajo do t’ia mësyjë Oklandit në Zelandën e Re më 13, ku do të paraqitet në “Vector Arena”. Sipas sajtit australian të biletave “Ticketek”, çmimet për këto koncerte do të sillen midis 101.85 dhe 509.65 dollarë amerikanë. 

(Kosova Sot)