“Kokaina dhe alkooli e ktheu Johnny Depp në një monstër” (Foto)
Për këtë divorc po flet mbarë bota.
Çifti i njohur i aktorëve, Amber Heard dhe Johnny Depp, po ndahen.
Por jo vetëm kaq.
Amber Heard pretendon se kokaina dhe alkooli e ka kthyer të shoqin në një monstër të dhunshme.
Në dokumentet e depozituar në gjykatë, ajo thotë se ai e ka dhunuar disa herë, në një rast madje i hodhi celularin në fytyrë.
Heard thotë se ka jetuar një ferr të vërtetë përgjatë 15 muajve të martesës.
“Më terrorizonte psikologjikisht dhe emocionalisht,” thotë 30-vjeçarja.
Për këtë arsye, avokatja e saj kërkoi në gjykatë në Los Angeles një urdhër kufizimi për aktorin Depp.
Gjykata i dha një urdhër të përkohshëm kufizimi për aktorin.
Ndërkohë Heard ka depozituar edhe një foto, ku duket me shenja në sy nga dhuna e të shoqit.
Ajo pretendon se i shoqi i kishte ofruar të blinte heshtjen e saj, por ajo vendosi të depozitonte kërkesën për divorc dy ditë më vonë.
Të shtunën e shkuar, gjatë një përplasje të dhunshme, aktori e goditi me celular.
Kur policia mbërriti në vendin e ngjarjes, aktori ishte larguar.
Një zyrtar i policisë tha se nuk gjeti asnjë provë për krim të mundshëm.
52-vjeçari Depp ka pasur një histori me drogën dhe alkoolin.
Ndërkohë që çifti po shkon drejt divorcit, mediat raportojnë se mesa duket ata nuk kanë pasur një marrëveshje paramartesore.
Kjo do të thotë se Amber mund t’i marrë atij gjysmën e pasurisë prej së paku 400 milionë dollarë.
Një zëdhënës i aktorit tha se ai nuk ka ndërmend të përgjigjet ndaj këtyre thashethemeve false mbi jetën e tij personale.
“Pas vdekjes tragjike të nënës së tij, aktori nuk do të flasë për mediat. Ai shpreson që martesa të zgjidhet sa më shpejt”.
(Kosova Sot)
