Vajza ekzotike
Rihanna kishte përzgjedhur një fustan ekzotik për shëtitjen e saj nëpër Nju-Jork
Ajo njihet për shijen e veçantë të veshjeve, e edhe kësaj radhe nuk kishte ndonjë përjashtim. Rihanna kishte ndaluar disa vetura kur kishte dalë për të blerë me një mik të vetin në qytetin e Nju- Jorkut, para se të shkonte për darkë me Naomi Campbell, raporotn Gazeta Kosova Sot
Bukuroshja 28 vjeçe, këngëtarja e hitit “Diamonds”, ishte e mbuluar nga qafa e deri te kyçi i këmbës me një fustan të gjatë kaftan, që ia kishte mbuluar fort mirë linjat e saj të hatashme që i ka. Me fustanin dominonin ngjyrat si e verdha, e kuqja dhe e gjelbra, karshi ngjyrës së bardhë që shihej në prapavijë sipër atleteve të saj. Flokët i kishte të lidhura me dekorime lulesh që i kishte rregulluar si kurorë në kokën e saj.
Buzëkuqi i errët i kuq dhe çanta me ngjyra i kishin dhuruar një definim shtesë. Rihanna, e cila ishte në shoqërinë e një mikut, kishte ndaluar në dyqanet e Nju- Jorkut, për të blerë preparate grimi, më pas ishte nisur ku e priste mikja në darkë.
(Kosova Sot)