Dikur e mbulonte, tash ia sheh hairin (Foto)
Elsa Hosk e pranon se e kishte urryer prapanicën e saj
Bukuroshja nga brendi i veshjeve të famshme “Victoria's Secret Angel”, modelja Elsa Hosk, mund të ketë një ndër trupat më të mirë që kanë të bëjnë në këtë biznes, por bukuroshja me prejardhje nga Suedia ka bërë me dije se dikur kishte urryer trupin e saj, më saktësisht fundshpinën e saj, madje aq shumë saqë e kishte fshehur nën rrobat e saj, transmeton gazeta Kosoav Sot Online.
Modelja 27 vjeçe u është bashkuar mikeve të saj, Lily Aldridge dhe Stella Maxwell, në lasnimin e koleksionit të brendit 'Easy', nga “Body By Victoria” në Nju-Jork, e përderisa ajo dukej se nuk e kishte asnjë të metë të vetme në koleksionin e ri, Elsa e kishte pranuar se dikur ajo nuk ndihej aspak e sigurt në lëkurën e saj dhe në formën e fundshpinës së saj.
“Dikur e kam urryer prapanicën time”, ka thënë ajo për “Daily Mail Online” gjatë kësaj ngjarjes. 'Në shkollë zakonisht jam munduar ta mbuloj. Kam pasur një ndjenjë se ishte tepër e madhe dhe më duhej të vishja ndonjë xhemper të gjatë për të mos ekspozuar atë”.
(Kosova Sot)