Michelle Pfeiffer, në rolin e gruas së Bernie Madoff-it (Foto)

Michelle Pfeiffer do ta luajë rolin e Ruth gruas së Bernie Madoff-it, në filmin e shumëpritur 'Wizard of Lies'. Kanë kaluar dekada që nga roli i fundit i rëndësishëm i aktores, por, siç bën të ditur 'Entertainment Weekly', aktorja 57-vjeçare do ta bëjë një kthim të madh, me një rol në filmin e shumëpritur 'Wizard of Lies', transmeton Kosova Sot Online.

Ajo do ta luajë rolin e Ruth Madoff, gruas së financierit famëkeq Bernie Madoff, i cili i mashtroi investitorët për një shumë prej rreth 60 miliardë euro.

Shumica e këtyre parave të marra nga investitorët kanë mbuluar pagesat për investitorët tjerë, por një pjesë e mirë u shpenzua për jetë luksoze, në të cilën janë përfshirë jahte, shtëpi në jug të Francës, rroba të shtrenjta dhe aeroplani privat. 

(Kosova Sot)