Veç vetë, si zojë! (Foto)
Ajo është një bukuroshe që e ka çimentuar statusin e saj në disa nga ulëset e para të trendëve më të nxehtë botëror. Kështu që është shumë tamam që Alexa Chung edhe kur nuk është në orar të punës, të shfaqet me stil, kësaj radhe rrugëve të Nju Jorkut. Bukuroshja britanike, 31 vjeçe, u shfaq me një veshje të inspiruar nga vitet e nëntëdhjeta, duke e vërtetuar se me pak ajo arrin shumë, transmeton Kosova Sot Online.
Ajo ishte e vetme dhe ishte veshur në mënyrë shumë modeste, u duk shumë e relaksuar, me fustanin e lezetshëm veror me plot lule, ku dominonte ngjyra e verdhë dhe e kuqja.
Flokët e saj ishin të lira dhe të drejta, derisa teni i saj ishte shumë i bukur, grimi ishte shumë natyral, derisa stilin e saj unik e kishte kompletuar me një palë atlete.
Me vete kishte drekën, të vendosur në një qese prej letre, plus edhe një kafe e kishte marrë me vete, derisa bukuroshja dhe personaliteti televiziv po kënaqej edhe me këto ditë verore që na kanë mbetur.
(Kosova Sot)