Nderohet në festival (Foto)
Rachel kohët e fundit është paraqitur shpesh në qilim të kuq, pasi që filmi ‘Spotlight’ në të cilin luan është duke fituar shumë çmime. Të premten mbrëma ajo është paraqitur sërish në qilim të kuq, por kësaj radhe larg prej Hollivudit, në festivalin ndërkombëtar të filmit në Santa Barbara.
Me një palë këpucë elegante nga ‘Christian Louboutin’, 37-vjeçarja është dukur për mrekulli me fustanin e bardhë. Aktorja dhe kolegët e saj nga filmi ‘Spotlight’, Michael Keaton dhe Mark Ruffalo, ishin aty për t’u nderuar me çmime për interpretimet e tyre në filmin e vlerësuar mirë dhe të nominuar për çmimin ‘Oscar’, transmeton gazeta Kosova Sot Online.
Por, ishte Rachel ajo që ka tërhequr tërë vëmendjen me fustanin e saj elegant dhe me ngjyrën e kuqe në buzë. Flokët i kishte të lëshuar, ndërsa dukjen e kishte kompletuar me grim natyral dhe me pak ngjyrë të kuqe në mollëza.
(Kosova Sot)