Thjeshtësia mbi të gjitha!

Aktorja Hailee Steinfeld, ndonëse është nominuar për çmimin ‘Oscar’, vazhdon të bëjë jetë të thjeshtë

Ajo është larg të qenit një adoleshente e zakonshme, pasi që është nominuar për çmimin ‘Oscar’, ka një karrierë të bujshme në muzikë dhe ka shumë miq në botën e të famshmëve. Mirëpo, Hailee Steinfeld ka treguar që është ‘sikur të gjitha adoleshentet e tjera’ kur është parë të premten me një shok të saj, duke kaluar kohë në një qendër tregtare, transmeton gazeta Kosova Sot Online.

Natyrisht, meqë po flitet për Hailee-n, shoku me të cilin po kalonte kohë ishte një tjetër i famshëm - Charlie Puth - me të cilin ka bashkëpunuar në projektin e saj të fundit.

Ajo e kishte zbuluar stomakun e saj të rrafshët, pasi që kishte veshur një të epërme të shkurtër, derisa ylli i filmit ‘Pitch Perfect 2’ kishte mbathur një palë këpucë të stilit ushtarak, të kombinuara me pantallona të gjerë, me ngjyrë të gjelbër.

(Kosova Sot)