Brumin e ka të fortë (Foto)
Lily-Rose Depp debuton në tepihun e kuq, dhe atë në "Met Gala". Tash e një kohë të gjatë ajo është e lidhur me "Chanel". Pra, LilyRose Depp në mënyrë natyrale kishte zgjedhur gjigantin francez të modës për debutimin e saj në tepihun e kuq në ngjarjen "Met Gala", që u mbajt në Nju- Jork. Modelja 16 vjeçe kishte shkëlqyer me fustanin e saj luksoz, të koordinuar me një xhaketë bombastike,transmeton gazeta Kosova Sot.
LilyRose e kishte vërtetuar se çfarë nevojitet të vishte për një mbrëmje si kjo, kur në tepihun e kuq ka pozuar me mega-yjet e tjera që i kishte përreth. Fustani i saj ishte i gjatë dhe i drejtë, pikërisht përfundonte te kyçi i këmbës, kishte një formë katrore para se të ekspozohej dekolteja e saj e thellë. E bija e Johnny Depp-it dhe Vanessa Paradis-it ishte përkujdesur që fustani i saj të mos i shtonte në moshë, pasi xhaketa ia kishte dhuruar dukjen që e kishte. Kishte mbathur një palë këpucë të arta dhe rripa delikat dhe kishte një palë vathë diamanti. Flokët e saj ishin të lirë para se të mblidheshin në një "chignon" elegant, derisa fytyra e saj ishte si një engjëll.
(Kosova Sot)