Po e ndjell verën (Foto)
Ciara u duk e gatshme për verë
Bukuroshja kishte zbritur me të dyja këmbët në tokë, kur Ciara pas paraqitjes mbresëlënëse në ngjarjen “Met Gala”, kishte dalë për një shëtitje. Këngëtarja e mahnitshme kishte dalë rrugëve të Nju-Jorkut, pasi që kishte ngrënë drekë te “Barney's” dhe nuk dukej se ishte e lodhur, përkundër faktit se një natë më parë kishte festuar gjithë natën e gjatë, transmeton gazeta Kosova Sot Online.
Bukuroshja 30 vjeçe u duk shumë e freskët, derisa kishte theksuar ijët e saj të hatashme, me një fustan pjeshkë, që ishte modest dhe i përshtatshëm për ditën. Mënyra e modelit të fustanit asaj i kishte lejuar që të rrezatonte më shumë me lëkurën re të saj, derisa kishte mbathur një palë çizme të gjata deri mbi gju.
Të gjitha këto bukuroshes i kishin dhuruar një qasje dhe dukje të këndshme. Duke ndjellë verën, Ciara u duk e gatshme për sezonin që po vjen, kishte dalë pa xhaketë dhe kishte një palë syze të mëdha në sytë e saj.
(Kosova Sot)