description

LDK: Sot komunën, nesër Kosovën

Publikuar: E enjte 3 Tetor 2013, 23:00 0 Komente

Lidhja Demokratike e Kosovës ka hapur fushatën për zgjedhjet lokale të 3 nëntorit në kryeqytet dhe në qendër të skenës ku ka mbajtur tubimin kishte bustin e vendosur ditë më parë të ish-presidentit, Ibrahim Rugova. Ky subjekt politik ka nisur fushatën me moton “Sot komunën, nesër Kosovën”. Kryetari i LDK-së, Isa Mustafa, gjatë hapjes së fushatës në kryeqytet, ka thënë se LDK-ja do t’i përkushtohet qytetarëve të saj dhe beson fuqishëm në ndryshimin e kërkuar që do ta vendosin elektorati i kësaj partie. Sipas Mustafës, fuqia e elektoratit për të ndryshuar historinë e Kosovës do të admirohet nga gjeneratat e ardhshme, të cilave ai ka thënë se nuk duhet t’u lihen çështjet e hapura “nga një vend të thelluar në krizë”. “Sot, e kërkoj votën dhe besimin tuaj për Prishtinën. E kërkoj votën për kandidatët tanë për kryetar të komunave, që janë sot këtu së bashku me ne, sepse fitorja jonë është fitore e qytetarëve të Kosovës, sot do ta fitojmë Kosovën, në të vërtetë komunën dhe nesër e fitojmë Kosovën”, është shprehur Mustafa. Ai ka pohuar se beson në qytetarët e Prishtinës për një qytet të zhvilluar dhe një qytet që do të vendos bazat e tij në themelet e ligjit, në drejtësi, përparim dhe begati.

Printo Dërgo
  • di

Komente


arkivi i lajmeve