Apple lëshon versionin e parë beta publik të iOS 13
Apple ka lëshuar versionin e parë beta publik të iOS 13, duke i dhënë mundësinë edhe përdoruesit të thjeshtë që të testojë versionin më të ri iOS që do të lëshohet zyrtarisht për të gjithë gjatë vjeshtës.
Versioni i parë beta publik i iOS 13 korrespondon me versionin e dytë beta për zhvilluesit.
Në fillim Apple kishte deklaruar se versioni beta publik do të ishte i disponueshëm në korrik, por me sa duket ka vendosur ta lëshojë atë pak më përpara, përcjell iphonealbania.
Ata që dëshirojnë të bëhen pjesë e programit beta testing mund të regjistrohen nga faqja zyrtare e Apple.
Çdo beta tester që është regjistruar në programin e Apple do të marrë versionin beta publik të iOS 13 nëpërmjet versionit OTA pasi të ketë instaluar çertifikatat përkatës në pajisjen e tij.
(Kosova Sot Online)