Të vetmit që po bëjnë para, si fitojnë blogerët nga rrjetet sociale në kohën e koronavirusit

  • 20 mars 2020 - 09:57
Të vetmit që po bëjnë para, si fitojnë blogerët nga rrjetet sociale në kohën e koronavirusit

Për blogerët me ndikim, partneritetet e markave janë një burim kryesor i të ardhurave, veçanërisht për blogerët në Instagram. Por shpërthimi i koronavirusit ndikoi edhe në fitimet e yjeve të rrjeteve sociale.

Në kushtet e reja, yjet e Internetit përdorin mënyra të ndryshme për të vazhduar të sigurojnë jetesën përmes aktiviteteve të tyre në internet. Disa ndikues zgjedhin burime alternative të të ardhurave, siç janë këshillimi dhe trainimi online. Të tjerët po kalojnë drejt reklamave në YouTube dhe gjithashtu po kërkojnë mënyra të reja për të krijuar përmbajtje të sponsorizuara nga shtëpia.

Postimet e sponsorizuara janë akoma opsioni më i mirë për blogerët që mund të krijojnë përmbajtje nga shtëpia, pasi disa marka siç janë ato që shesin produkte të përshtatura për punë në distancë vazhdojnë të bëjnë fushata marketingu.

Marketerët thonë se shikimi dhe angazhimi në rrjetet sociale këtë muaj po rriten, pasi gjithnjë e më shumë përdorues kalojnë kohën në internet, duke krijuar mundësinë për të fituar para për kompanitë dhe për ata blogerë që nuk kanë nevojë të largohen nga shtëpia për të prodhuar përmbajtje.

Por ka shumë blogerë të fushave të ndryshme të cilët e kanë shumë të vështirë përshtatjen me formën e re pasi fushat që ata mbulonin kan pasur lidhje me vendet turistike, pushimet, dhe produkteve të ndryshme që kanë dalë jashtë përdorimit përkohësisht.

Por të gjithë blogerët po përpiqen të postojnë foto apo video të sponsorizuara në rrjetet e tyre sociale për të ruajtur ndikimin e tyre në këto kohë të vështira.

(Kosova Sot Online)