Gabimi kryesor që meshkujt bëjnë në shtrat

Sipas rezultateve të sondazhit nga “Sex Information and Education Council of Canada” nëse përqafoheni pas seksit, femra do të ketë më shumë dëshirë për të bërë seks me ju.

Për këtë sondazh janë pyetur 2.400 kanadezë rreth herës së fundit që kanë bërë seks.

Sipas tij, nga femrat që ishin përqafuar me partnerin 6 deri në 10 minuta pas seksit, 71 për qind e vlerësoi përvojën si “shumë të kënaqshme”. Kjo krahasuar me 41 për qind nga femrat që ishin përqafuar më pak.

Intimiteti pas seksit ishte po aq i rëndësishëm për gratë sesa faza para seksit, thotë autori i studimit Robin Milhausen, Ph.D., një profesore e seksualitetit në Universitetin e Guelph.

Kjo mund të ndodhë sepse trupat e femrave dhe meshkujve janë të mbushur me oksitocinë, hormoni i afërsisë, pas seksit dhe kanë uri për më shumë afeksion, thotë Milhausen.

Madje femrat shpesh ndihen të dobëta pas seksit, thotë ajo. Nëse kalojnë disa minuta shtesë duke u përkëdhelur në shtrat, ndiejnë që partneri kujdeset për to.

“Është një nga gjërat më të lehta që mund të bësh për të përmirësuar marrëdhënien. Është një mundësi shumë e rëndësishme, por që shpesh nuk përdoret, për t’u afruar më shumë”, thotë Milhausen.

Shumica e njerëzve në studim ndërprisnin kontaktin pas minutës së 6-të: 17 për qind e të pyeturve nuk përkëdheleshin fare dhe 36 për qind qëndronin afër deri në pesë minuta.

Kështu që pas marrëdhënies intime, tërhiqeni afër partneren ose lëre ta mbështesë kokën mbi gjoksin tuaj, sugjeron Milhausen.

Sipas saj vazhdoni të paktën 6 minuta, edhe pse nuk duhet të shihni orën, të luani me flokët, t’i fërkoni shpinën, ta puthni në faqe ose në ballë dhe bëjini një kompliment të ëmbël sesa mirë u ndjetë me të.

Çfarë përfitoni ju? U mësua se përqafimi rriste kënaqësinë edhe te meshkujt.

(Kosova Sot)